كيف اضحك ... سؤال غريب صح ههههههههههه
كاننا نسأل كيف ناكل وهو شي نعرفه بالفطرة اساسا
بس لو جينا للحقيقه في اشخاص عندهم مشاكل صحية بسبب
" نوعيه الاكل الي ياكلونه ... طريقة اكلهم .... مضغهم للطعام ... وكثير امور لو سالنا اي شخص متخصص بالتغذيه او الجهاز الهضمي بيقولنا طريقة للتغذيه الصحية وكبف يكون اكلنا صحيح
منها نمضغ الطعام لوقت كافي ناكل براحة مو بسرعه ناكل لقم صغيره .... ونصائح كثير ماعرفها كلها عشان جهازنا الهضمي يكون صحي ويعمل بصورة كامله
بالمقابل بنوصل لصحة افضل عملية اخراج افضل قالون مرتاح بالمقابل نفسيه مرتاحة
صح .....
نرجع للضحك الضحك بالحقيقه و الواقع هو فطرة مو شي نتعلمه بالطريق هي فطرة ربي حطها فينا
بسورة النجم ربي يقول " وَأَنَّهُ هُوَ أَضْحَكَ وَأَبْكَىٰ "
الضحك فطرة طبيعيه بس فيها بعض الامور الي تحتاج تتصحح
مثل ..
1- الضحك وسيلة مو هدف
2- الضحك مو قلة ادب
3- الضحك مو مضيعه للوقت ... " سر بيني وبينكم الضحك يحفز الابداع و توليد افكار خارج الصندوق "
4- الضحك مو للتنمر والاذى و الاستهزاء
الضحك نوعين صحي وغير صحي .. وانت تختار تضحك على ايش ..
5- الي يضحك مو شخص فاضي
6- الي يضحك ماعندة هموم ... " عندة هموم بس يعرف يوازن شعورة "
7- الجدية هي الي بتخليني انجح
كثير امور وافكار نحتاج نصححها عشان نوصل لضحك صادق عميق داعم صحي لنا
اذا مهتم تعزز ثقافة الضحك عندك عشان ذاتك وصحتك وعافية شعورك
انصحك تختار وحدة من البرامج الي ممكن تدعمك
1- برنامج كوتش الضحك عبارة عن 4 جلسات كوتشنك تدعم وعيك الشعوري وضحكتك
2- برنامج رحلة ضحك المجاني باليوتيوب
3- برنامج التدريب المكثف ليوجا الضحك
وبالنهاية اكيد كل طريق و خطوة نقرر نخوضها تحتاج شجاعه نفس عميق وزفير
ونقرر من اليوم نختار الضحك بوعي الضحك بحب الضحك النظيف الصحي
المقال الجاي بشاركم ادوات تعزز الضحك الصحي بحياتكم انتظروني
عهد