اهلا بالاربعاء الونيس
رساله من قلبي لقلوبكم يارب توصلكم وانتوا بخير وعافيه 💛
كل اربعاء بإذن الله بتوصلكم رساله مني
" معلومة ، تمرين ، شي الهمني واشاركه معاكم "
كنت اقراءة كتاب " الخروج عن النص " لدكتور محمد طه
بفصل ١٥ كان العنوان " يلا نعمل " اب ديت " لبعض
يعني تحديث سستم ...
تعرف شعور لمن برنامج يصير قديم مره ولازم نحدثه عشان توصلنا التحديثات والتطور عليه ..
خليني اسالك سؤال ⁉️
متى آخر مره عملت اب ديت لنفسك وشفتها هي حقيقي حقيقي وين دحين مو زي ماكانت زمان !!
متى آخر مره شفت اهلك اصدقائك بتحديثهم الجديد مو زي مو عقلك متبرمج عليهم !!
" أكبر ظلم ممكن تظلمة لأحد هو إنك ماتشوفه " حتى نفسك
علماء مدرسة الجيشتالت في علم النفس يقولوا
اننا لو كنا نشوف شجرة عقلنا بياخذ صورة عليها وبيوقف يستقبل صور ثانية لنفس الشجرة لين ماتجي ريح قوية تحركها فتاخذ صورة ثانية لها
كم شخص عالقه صورته بداخلك من سنين وما غيرتها ،
نفسك متي اخر مره جدد صورتها بداخلك وماصرت تشوفها نفس ماتعرفها زمان
اليوم خلونا ناخذ نفس عميق قوي ونرجع نشوف الاشياء زي ماهي حقيقي الان
اكثر سؤال ممكن يساعدك انك تسال نفسك " هل هذا حقيقي حقيقي الان "
كمثال 💛
صديقة ببالك هي عصبيه هل فعلا فعلا هي عصبيه الان ولا كان موقف قديم جدا وعقلي موقف الصورة بذاك الوقت !!!
وقيس عليها كل الاشخاص وذاتك
انوي اكون الهمتك واشوفك برسالة جديدة الاربعاء القادم ✨
عهد الحربي
اذا احتجتي دعم اضافي بتلاقيني انتظرك هنا