اهلا اربعاء جديد ورسالة جديدة ملهمة يارب 💖
رسالتي اليوم نصيحة من جلسات الكوتشينج الي اقدمها ✨
نتفق اولاً كلنا بشر ، نتأثر ونأثر في اللي حوالينا، صح ولا لا؟ 👍🏻
كثير من اللي يجوني في الجلسات يكون صاير لهم موقف، شيء زعلهم وأثر على مشاعرهم وحياتهم وثقتهم وعلاقاتهم... على حسب قصة كل واحد.
طيب، هل طبيعي هالزعل والتأثير؟ أكيد كلنا نتضايق، بس مو طبيعي إن هالضيقة تخربط حياتنا كلها أيام وشهور وسنين! كأن الدنيا وقفت فجأة.
🛑 اشاركم ٤ خطوات بسيطة تخفف هالضيقة والتأثير بشكل كبير
١- ابني علاقة قوية مع ذاتك حبها افهمها عشان قوة هالعلاقة هي اساس عميق يساعدنا على سلامنا الداخلي وثباتنا وهي رحله مستمره غير منتهيه طول ما انت عايش
٢- علاقتك بالله وايمانك بصورة عميقة فيه مو بس بالعبادات باليقين الداخلي إنه يحميك ويكرمك ويحفظك
٣- اختار شخص واحد او اثنين بالكثير تثق فيهم وتثق بحكمتهم بالحوار تلجئ لهم وقت الحاجة
٤- امسك ورقه وقلم واسال نفسك هل هذا حقيقي هل الكلام هذا او التصرف الس اثر فيني حقيقي عني او يحمل نسب مختلفه من الصحة او عدمها حدد الحقيقي والغير حقيقي منه وطور نفسك " اوقات يكون فعليا نحتاج نطور ذاتنا "
يارب يوصل كلامي لقلوبكم وارواحكم
واذا احتجتوا مساعدة اكثر بجلسات الكوتشينج انا موجودة عشانكم من هنا
اشوفكم برسالة جديدة 💖
عهد الحربي